Атаманов Михаил

Материал из Воршуда
Перейти к навигацииПерейти к поиску

Михаил Гаврилович Атаманов - тодмо удмурт тодосчи, филология наукаосъя доктор, Россиысь писательёслэн огазеяськонзылэн ёзчиез, Библиез удмурт кылэ берыктӥсь, протодьякон.

Михаил Атаманов

Улон сюресэз[править]

Михаил Атаманов вордскемын Грак ёросысь Вуж Эгра (Старая Игра) гуртын 1945-тӥ арын 19-тӥ куарусёнэ крестьян семьяын. [1]

Михаил Атаманов аслаз Ганя выныныз – кыктоос. Война бырем бере ик вордӥськизы бере, соос, тодмо ини, мае гинэ ӧз адӟе. Улон соку секыт но, куанер но, сютэм но вал. Берпум копейказэс шыръямен, нылпиослы пряник-конфет ӧз шедьылы. Анайзы огзэ гинэ куриз Инмарлэсь: нылпиоссэ медаз кушты но пыд йылазы султытыны мед юрттоз. Кӧня вал сыӵе учыръёс, куке Миша но Ганя улон но кулон куспы шедьылӥзы. Пичи дыръязы анайзы тыршылӥз пиосызлы Инмарлы оскон пыӵатыны, киросэн келяз соосты школае. Но одӥг пол соос киростэк бертӥзы: классысьтызы санитаръёс, сое адӟыса, калак ишкалтӥллям. [2]

Ас гуртысьтыз 8 классъем школаез йылпумъяса, Михаил дышетске Алнаш ёросысь Асан совхоз-техникумын. Сое йылпумъямез бере служить каре Советской Армиын. Отысь берытскыса, ужаз ас вордскем гуртаз зоотехник луыса.

1970-1975-тӥ аръёсы дышетскиз Удмурт университетлэн кылосбур факультетаз. Студент аръёсаз ик со тодос ужъёсы пыриськылӥз, сое лыдэ басьтыса, дышетсконзэ йылпумъямез бере, сое дэмлазы аспирантурае мыныны. Эстониысь Тарту университетлэсь аспирантуразэ йылпумъяса, 1978-тӥ арын тодмо финно-угроведлэн Пауль Аристелэн кивалтэм улсаз гожтӥз кандитатской диссертация. Со нимаське вал «Этнонимы удмуртов в топонимии» (Тарту, 1978). 1978-1989-тӥ аръёсы, М. Г. Атаманов ужаз удмурт научно-исследовательской институтлэн удмурт кылъя сектораз. Аспирантураын дышетскыкуз но институтын ужан дыръяз, ӵемысь поталляз научной экспедициосы. Озьы со Удмуртилэн пӧртэм ёросъёсысьтыз, Татарстанысь, Башкортостанысь, Пермь, Киров, Екатеринбург улосвылъёсысь, Сибирьын улӥсь удмуртъёслэсь кылъя но топонимикая туж узыр материал люказ. [3]

Соос ик инъет луизы сизьым бадӟым монографиос но куинь сюлэсь но уно статьяос гожтыны. Пӧлысьтызы тужгес но адӟем карымонэсь луо «Удмуртская ономастика» (1988), «Удмурт нимбугор. Словарь личных имён удмуртов» (1990), «История Удмуртии в географических названиях» (1997), «По следам удмуртских воршудов» (2001), «Песни и сказы ушедших эпох: Эгра кырӟа, Эгра вера» (2005), «От Дондыкара до Урсыгурта», «Из истории удмуртских регионов» (2005), «Происхождение удмуртского народа» (2010) бадӟым книгаосыз. Соос туж тунсыкоесь, лыдӟисьёслы трос тодон-валан сётозы. [3]

«Валентин Белых» альбомлэн презентацияз

Удмурт калыклэсь кылдэм историзэ, воршуд нимъёссэ, ас нимъёссэ, инты но шур нимъёссэ эскеремен ӵош М. Г. Атаманов трос гинэ ужъёс гожтӥз на удмурт калыклэсь сям-йылолъёссэ (этнографизэ), дӥськутъёссэ, шулдыръяськон но ватӥськон сямъёссэ, осконъёссэ возьматонлы. Соос сярысь гожъямын пӧртэм статьяосаз, кылсярысь, «Обряды и поверья удмуртов, связанные с именами» (1985), «Погребальный ритуал (конец ХIХ начало XX вв.» (1985), «Костюмные комплексы в связи с этногенезом» (1987).

М. Г. Атамановлэн кӧня ке ужъёсыз озьы ик сӥземын удмурт вераськетъёсты эскеронлы. Соос сярысь гожъямын «Образцы речи сибирских удмуртов» (1982), «Граховские говоры южноудмуртского наречия» (1982), «Песни и сказы ушедших эпох: Эгра поёт, Эгра сказывает» (2005), «Удмурт нимъёс но сямъёс» (1985) но мукет. [3]


1989-тӥ арлэн пумаз М. Г. Атаманов Удмурт научно-исследовательской институтысь кошкыса, черкын протодьякон луыса ужаны кутскиз. 1991-тӥ арысен кутскыса, со трос библейской пуштросо книгаос поттӥз, удмурт кылэ берыктӥз Библиез. Со сяна, печатлаз на вӧсяськон текстъёс. [4] Михаил Гаврилович Атаманов трос ужа удмурт калыклэсь асваланзэ ӝутон но юнматон, удмуртъёсты черке кыскон бордын: удмурт радио, телевидение пыр ӵемысь вераськылэ, 2000-тӥ арысен «Удмурт дунне» газетын толэзьлы быдэ «Оскон, Оскиськон, Яратон» огъя липет улын статьяос гожъя. Калыкез со дышетэ ӟеч мылкыдо, пӧяськытэк, ог-огдэ гажаса, нокыӵе сьӧлыкъёс лэсьтытэк улыны но ужаны, анай-атайдэ, Инмарез данъяны но сӥё-буро карыса возьыны.

Черкын бадӟым уж ортчытыса но, М.Г. Атаманов дыр шедьтэ удмурт кылъя научной ужъёс нуыны. Берло дасо аръёсы гинэ со печатлаз кие кутымон монографиос но статьяос. Со оппонировать кариз 3 докторской, 7 кандидатской диссертациосты. Дасо аръёслэсь кема ни со ужа УдГУ-лэн удмурт кылосбур но история факультетъёсысьтыз доктор но кандидат диссертациосты утёнъя Советъёсын. Аслаз лякыт сямыныз диссертацизэс утисьёслы трос ӟеч кылъёс вералля, кутскем ужзэс азинтон понна жадёнэз валатэк ужаны мылкыд каре, тазалык сӥзе. [3]

Гожъямъёсыз сярысь[править]

Берло аръёсы М.Г. Атаманов, со ик Эграпи Микаль, со ик протодиакон Михаил, тодмо луиз чеберлыко литература удысэ сюрес лёгеменыз: гожъям ужъёсызлы Москваын писательёслэн эштосазы вылӥ дунъет басьтыса, 2006-тӥ арын со Россиысь писательёслэн союззылэн ёзчиез луиз.[5]

Протодиакон Михаил – Атаманов-Эграпи Микаль – удмурт литератураын нырысьсэ туж мур но шонер ӝутэ черк улонэн, удмурт калыклэн духовной улонэныз герӟаськем ужпумъёсты. 1994-тӥ арын со СНГ-ысь православной осконысь паломникъёсын ӵош вуылӥз христиан осконлэн святой интыосаз – Израиле, Кипре, Грецие, Константинополе (туала Стамбулэ), Синай гурезе (Египет). Кузь сюрес вылын гожъям дневниксэ «Ньыль зарезь пыр Иерусалиме» шуыса нимаз но сое печатлаз «Инвожо» журналын, со аре ик – нимысьтыз книгаен (1994). [5]

Ӟуч лыдӟисьёслэн куремзыя, паломниклэсь дневниксэ ӟуч кылэ ачиз ик берыктӥз но «За четыре моря – в Иерусалим» нимын печатлаз «Православная Удмуртия» газетын, 1999-тӥ арын со та ужзэ пыртӥз «Мой путь в Библию» книгаяз (1999), нош 2010-тӥ арын нимысьтыз книгаен поттӥз. Таяз книгаяз пыртэмын на Библиез удмурт кылэ берыктонэн герӟаськем ужпумъёс, книгалэн авторезлэн пичи дырыз, быдэ вуонэз, оскон пала берытскон сюресъёсыз сярысь веранъёс-мадёнъёс; бадӟым инты басьтэ юанъёс-валэктонъёс люкетэз. «Мой путь в Библию» книгазэ финн кылэ берыктӥзы но 2003-тӥ арын со «Tieni Raamattuun» нимын Хельсинкиын печатламын вал. [5]. Та книгаезлы вылӥ дунъет сётӥз филологи наукаосъя доктор Анна Сергеевна Зуева-Измайлова. [6]. Михаил Атаманов печатлаз «Инмаре, жаля монэ сьӧлыкоез» тодытонъёсын пичигес гинэ аспӧртэмлыко книгазэ (1995). [5]

М. Г. Атаманов трос лэсьтэ но юрттэ удмурт чеберлыко литератураез выль произведениосын – веросъёсын, очеркъёсын но повестьёсын узырмытыны. Сыӵе ужъёсыз пӧлысь пусйытэк уг луы солэсь «Кылё тодэм калыкъёс» (2004) - Инмарлы оскись удмуртъёс сярысь художественно-документальной очеркъёсын книгазэ но «Тангыра» нимо кузьвероссэ (эпоссэ), кудзэ со печатлаз 2008-тӥ арын Эграпи Гавир Микаль нимын. [3]


«Дунне вылын улон вань но, кулон вань» – шуэ автор анаезлэсь верам кылъёссэ тодаз вайыса (Кылё тодэм калыкъёс...). Туж тунсыко соиз но: котькуд веросын, очеркын одно ик пыртэмын индылонъёсыз, кылсярысь: «Дунне вылын майбыр, каньыл улыкумы, кулон сярысь тодамы ум ваиське; Инмарез данъяса, тау карыса ум улӥське. Нош кулон сьӧрысьтымы кыльытэк ветлэ. Одӥгез но вордскем мурт кулытэк уг кыльы…» Та вужмисьтэм-бырисьтэм – улон но кулон – темалы М. Атаманов-Эграпи Микаль кык очерксэ сӥзе: «Мыным вӧсь. Тятя» но «Люкиськон».[5]

Улонлэсь бергамзэ валась, шонерлыкез, чылкытлыкез яратӥсь, улон дуннелэсь бырон пала мынӥсь тодметъёссэ адӟись, черкын ужась-тыршись берло гожъям очеркъёсаз шуэ: «Мыным вӧсь». Со вӧсь луэ яратоно калыкезлэсь курадӟемзэ, сое ултӥямзэс шӧдыса, инкуазьлэсь, адями, калык кусыпъёслэсь сӧриськемзэс адӟыса. Та темалы сӥземын «Пеньки. Мыным вӧсь», «Карлуд шур дурын малпаськон. Мыным вӧсь», «Удмурт черк. Малы мыным вӧсь» но куд-ог мукет очеркъёсыз. [5].

Map выльзэ усьтэ, вае, сётэ та автор асьме удмурт литературалы шуиськомы ке, нырысь ик верано: солэн творчествоез одӥг удмурт писательлэн но творчествоезлы уг тупа. Библиез берыктэм сяна, со аслыз выль ӧр шедьтӥз – христианство но удмурт адями вискысь кусыпъёсты тодыса, валаса суредан; кыкетӥез: оскон понна, ас калыкедлэсь данлыксэ утён понна кышкатэк статьяос-тодытонъёс, очеркъёс гожъяса нюръяськон. [5]

Газет, журнал бамын-а печатлаське, радио, телевидение пыр-а вераське, очеркъёс, веросъёс, научной ужъёс-а гожтэ Атаманов-Эграпи Микаль, солэн кылыз туж чебер но узыр, жильыртӥсь ошмес ву кадь жингыртэ. Нош кыӵе шунытэсь, небытэсь, ас интыязы кулэ луись кылъёс со шедьтэ удмурт кылмылэн шыкысысьтыз бадӟымесь, мур пуштросъем малпанъёсты-веранъёсты усьтон понна?! П. К. Поздеев М. Атаманов-Эграпилэн «Песни и сказы ушедших эпох. Эгра кырӟа, Эгра вера» (2005) научной книгаезлы рецензияз шуэ: «Кин лыдӟиз та книгаез, со одно ик азяз пуктоз аслэсьтыз вордскем гуртсэ..., дор калыкез, дор музъемез сярысь одно ик тросгес тодыны сюлмаськоз. Оло нош, Михаил Атаманов-Эграпи выллемгес ик лирик но луоз. Бен, бен. Книга уго интыен-интыен зэмзэ ик лирика гожъясь кылбурчилэн сюлмысьтыз поттыса ӧръям прозалы кельше». [7]

«Тангыра» (2008) эпосэн книгаез потэмезлы шумпотонлэн пумыз ӧй вал», – таӵе кылъёсын кутске аслэсьтыз статьязэ тодосчи В. М. Ванюшев. Со бадӟым дунъет сётэ М. Атамановлэн кузьмадёсэзлы. [8] Н. Г. Ермолаева эпосэз ӟуч кылэ берыктӥз, но 2012-тӥ арын «Тангыра» нимысьтыз книгаен поттэмын вал.

Та журналын ик Р. И. Яшина шуэ: «Выжы калыклэн аслаз кузьмадёсэз (эпосэз) вань ке, со калыклэсь быдэ вуэмзэ возьматэ. Удмурт эпослэн кылдон сюресэз кузь вал. Со вера, удмуртлэсь асваланэз туж ӝегаса-могаса азинскиз шуса». Михаил Гаврилович Атамановлэн «Тангыра» кузьмдёсэз потӥз. Со зэмос история, калык мадёс, кылан-буранъёс вылэ пыкиськыса гожтэмын, жиль-жиль чебер удмурт кылын чузъяське. [9]

Наградаосыз но премиосыз[править]

Орден Святого равноапостольного князя Владамира III степени, 1994.

Медали ордена «За заслуги перед Отечеством» II степени, 2000.

Орден РПЦ преподобного Серафима Саровского чудотворца, 2005.

Россиысь писательёслэн огазеяськонзылэн ёзчиез, 2006. [10]

«Удмурт Республикалэн дано гражданинэз» ним, 2016.

Библиография[править]

Книгаосыз[править]

Вӧсяськонъёс, канонъёс, кырӟанъёс / Ижевск - Удмурт Епархия ; [удмурт кылэ берыктӥз но поттыны дасяз протодиакон Михаил Атаманов]. - Куинетӥзэ поттон. - Ижкар : Удмурт Университетлэн книга поттонниез, 2001. - 146, [2] с.

Кылё тодэм калыкъёс : (о благочестивых христианах Удмуртии). –Ижевск, 2004. – 148 с.

Мой путь в Библию / Диакон Михаил Атаманов. - Ижевск : [б. и.], 1999. - 162 с.

Песни и сказы ушедших эпох = Эгра кырӟа, Эгра вера / М. Г. Атаманов-Эграпи. - Ижевск : Удмуртия, 2005. - 245, [2] с., [5] л. ил. : ил., нот.

Тангыра : кузьмадёс / суредъёсыз В. Белыхлэн. – Ижкар : Удмуртия, 2008. – 319 c.

За четыре моря - в Иерусалим / протодиакон Михаил Атаманов. - [2-е, доп. изд.]. - Ижевск : [Ижев. респ. тип.], 2010. - 108, [1] c.

Происхождение удмуртского народа / М. Г. Атаманов-Эграпи. - Ижевск : Удмуртия, 2010. – 575 с.

Происхождение удмуртского народа : [монография] / М. Г. Атаманов-Эграпи. - 2-е издание, дополненное. - Ижевск : Удмуртия, 2017. – 590 с.

Берыктэмъёсыз[править]

Библия : [удмурт кылын / Библия берыктонъя Институт ; берыктӥз Михаил Атаманов ; богословской редактор Картано Марья Катрина]. - Хельсинки : Библияез берыктонъя Институт, 2013 (ОАО "Ижев. респ. тип."). - 1663, [3] с.,

Библия : Вуж Сӥзёнлэн канонэн юнматымтэ люкетъёсыз / [Библияез берыктонъя Институт ; удмурт кылэ берыктӥз протодиакон Михаил Атаманов ; берыктонлэсь ӟечлыксэ эскериз Марья Картано]. - Ижкар : Ижкар-Удмурт Епархия, 2016. - XI, [5], 335 с.

Библиысь веросъёс / [Библиез берыктонъя институт ; удмурт кылэ берыктӥз протодиакон Михаил Атаманов ; экериз, тупатъяз Марья Картано]. - Эскерыса поттон = Пробное издание. - Хельсинки : Библиез берыктонъя институт, 2003. - 120 с.

Нылпиослы Библия : [суредъёсын Библиысь веросъёс] / [удмурт кылэ берыктӥз Михаил Атаманов ; Библиез берыктонъя Институт]. - Эскерыса поттон. - Хельсинки ; Стокгольм : [б. и.], 2001 (Ижевск : Республиканская типография). - 542 с.

Чеберлыко произведениосыз[править]

Бадӟым калык кенеш : "Тангыра" кузьмадёс-веранысь дас кыкетӥ мадь // Герд. – 2008. – № 9 (сент.). – С. 3.

Пештырскем улмопу дорын вераськон : верос // Кенеш. – 2005. – № 1. – С. 63–73.

Разговор у сожженной яблони : рассказ // Луч. – 2005. – № 11/12. – С. 77–80. – (Острая тема).

Свадьба Гуръи, сына батыра Донды : отрывок из эпоса "Тангыра" / пер. с удмурт. Н. Ермолаевой // Италмас. – 2011. – № 6. – С. 88–93.

Тангыра : витетӥ кырӟан-веран: Калмез музъемын: пинал калыклэн шудон, кырӟан-веран, куриськон сямъёсыз // Вордскем кыл. – 2008. – № 8. – С. 37–38.

Тангыра : восьмое сказание. Богатыри Прикамского края : печальная песнь о славном граде Тоймакаре / пер. с удмурт. Н. Ермолаевой // Инвожо. – 2011. – № 1/2 . – С. 56–57 : ил. – (Поэзия).

Тангыра : кузьмадёс / суредаз В. Белых // Инвожо. – 2008. – № 5/6. – С. 41–48.

Тангыра : эпос удмурт. народа / пер. с удмурт. Н. Ермолаевой // Инвожо. – 2011. – № 11/12. – С. 68–71 ; 2012. – № 1. – С. 46–48.

Тангыра. Богатыри Прикамского края : эпос удмурт. народа / пер. с удмурт. Н. Ермолаевой // Инвожо = Альманах удмуртского ПЕН-клуба. – 2011. – № 5/6. – С. 25–37 ; Инвожо. – 2011. – № 7/8. – С. 53–54.

Тодос статьяосыз[править]

Бавлинская группа южных удмуртов: проблемы заселения / М. Г. Атаманов // Феномен Удмуртии. - М. ; Ижевск, 2008. - Т. 8 : Удмуртская диаспора. - С. 555-560.

Библия и ее путь к удмуртскому народу / М. Г. Атаманов // Многоязычие в образовательном пространстве = Plurilinguisme et éducation. - Ижевск, 2014. - Т. 5 : К 75-летию Жан-Люка Моро, французского финно-угроведа, переводчика, поэта. - С. 313-322.

В союзе археологии и лингвистики: топонимические сведения и решения проблемы этногенеза удмуртов / М. Г. Атаманов // Этногенез удмуртского народа. Этнос. Язык. Культура. Религия : сб. ст. и материалов Междунар. науч. конф. - Ижевск, 2011. - С. 17-33.

"Вотский роман" Г. Е. Верещагина и его отражение в эпосе "Тангыра" / М. Г. Атаманов // Г. Е. Верещагин, традиционная культура и просветительство народов Урало-Поволжья : сборник статей. - Ижевск, 2014. - С. 79-89.

Еще раз об арской проблеме в истории удмуртского народа / М. Г. Атаманов // Археологическая экспедиция: новейшие достижения в изучении историко-культурного наследия Евразии : материалы Всерос. науч. конф., посвящ. 35-летию Кам.-Вят. археол. экспедиции. - Ижевск, 2008. - С. 185-195.

К выходу канонической Библии на удмуртском языке / М. Г. Атаманов // Ежегодник финно-угорских исследований = Yearbook of Finno-Ugric Studies. - Ижевск, 2015. - Вып. 4. - С. 68-76.

Комментарии к статье Жомбора Богдана [Удмуртские переводы библии и языковой стандарт] / М. Г. Атаманов // Ежегодник финно-угорских исследований = Yearbook of Finno-Ugric Studies. - Ижевск, 2015. - Вып. 4. - С. 204-215.

Культ керемета/луда в среде удмуртов и его отражение в топонимии / М. Г. Атаманов // Ежегодник финно-угорских исследований = Yearbook of Finno-Ugric Studies. - Ижевск, 2014. - Вып. 1. - С. 20-35.

Мадьярский след в топонимии и археологии Волго-Уральского региона / М. Г. Атаманов // Археологическое наследие как отражение исторического опыта взаимодействия человека, природы, общества, XIII Бадеровские чтения : материалы Всерос. науч. конф. - Ижевск, 2010. - С. 87-92.

Нижнечепецкая группа северных удмуртов ватка / М. Г. Атаманов // Феномен Удмуртии. - М. ; Ижевск, 2008. - Т. 8 : Удмуртская диаспора. - С. 179-186.

О диссертации Н. В. Кондратьевой "Словоизменение имени существительного в удмуртском языке (грамматические категории падежа и числа) / М. Г. Атаманов // Ежегодник финно-угорских исследований = Yearbook of Finno-Ugrik Studies. - Ижевск, 2012. - Вып. 2. - С. 100-105.

Сибирская группа удмуртов / М. Г. Атаманов // Феномен Удмуртии. - М. ; Ижевск, 2008. - Т. 8 : Удмуртская диаспора. - С. 186-194.

Туала эпос сярысь... : [беседа с протодиаконом, писателем об эпосе] / Эграпи Гавир Микаль ; беседовал Арзами Очей // Инвожо. - 2008. - N 5/6. - С. 37-39.

Удмуртско-марийские этнические контакты на примере этнотопонимов одо в Волго-Уральском регионе / М. Г. Атаманов // Ежегодник финно-угорских исследований = Yearbook of Finno-Ugric Studies. - Ижевск, 2015. - Вып. 4.

Этнонимы удмуртов в топонимии : автореф. дис. ... канд. филол. наук : 10.02.07 / Михаил Гаврилович Атаманов ; [науч. рук. П. А. Аристэ] ; Тарту. гос. ун-т , Каф. фин.-угор. яз. - Тарту, 1978.

Язык земли удмуртской : краткий историко-этимологический словарь топонимов Волго-Уральского региона : Ва - Вятка / Михаил Атаманов-Эграпи // Вордскем кыл = Родное слово. - 2013. - № 4. - С. 39-41. - Продолжение. Начало: №№ 1, 3.

Публицистика, интервью[править]

Анай кылыным кырӟасько но, вӧсяськисько но : [эссе об удмурт. яз.] / Михаил Атаманов // Удмурт дунне. - 2009. - 16 дек. - С. 8.

Анай кыл - сюрныл? / Михаил Атаманов-Эграпи // Удмурт дунне. - 2012. - 7 нояб. - С. 6.

Блажен человек, который на Господа возлагает надежду : разговор со своей учительницей / М. Г. Атаманов // Инвожо = Альманах удмуртского ПЕН-клуба. - 2011. - № 5/6. - С. 228-231.

Библия - вань книгаослы Книга : [беседа с отцом Михаилом о Библии, ее переводах на разные языки, о его работе над переводом на удмуртский язык, о сборе средств на печатание переведенной Библии] / М. Г. Атаманов ; записала Г. Семенова // Удмурт дунне. - 2013. - 20 сент.

"Библия - всем книгам Книга" : в Удмуртии выходит в свет Библия на удмуртском языке : [интервью с протодиаконом, переводчиком Библии на удмуртский язык о работе над книгой, о научной деятельности и как пришел в церковь] / Михаил Атаманов // Православные вести. Ижица. - 2013. - Окт. (№ 10). - С. 11-12.

Встреча с прошлым : [воспоминания о Р. Г. Валишине и о своем пути в науку, в лит.] / Михаил Атаманов // Италмас. - 2008. - N 1. - С. 51-53.

Георгий - Ёги - человек Божий / протодиакон Михаил Атаманов Эграпи-Микаль // Православные вести. Ижица. - 2016. - Окт. (№ 10). - С. 12.

Дас куатетӥез Патриарх. Кин тон? : [о Патриархе Московском и Всея Руси Кирилле] / Михаил Атаманов // Удмурт дунне. - 2009. - 27 февр. - С. 12.

Ӟеч-а, бур-а, Олексей агай! / Михаил Атаманов // Кенеш. - 2009. - N 8. - С. 101-104. - Рец. на кн.: Алексей Ермолаев. Известный и незнаемый : воспоминания, ст., публ., эссе, письма / сост. Н. Г. Ермолаева. - Ижевск : Инвожо, 2009. - 460 с.

"Ӟеч лу!" шуид но тон кошкид... [Об авторе стихотворения "Ӟеч лу!" шуид но тон кошкид...", ставшего народной песней, Никифоре Афанасьевиче Корнилове] / Михаил Атаманов // Удмурт дунне. - 2010. - 6 окт. - С. 6 : фот. - (Герд ; № 10).

Из дневника старого человека. Тайны Байситовского леса / Михаил Атаманов // Православные вести. Ижица. - 2016. - Май (№ 5). - С. 6 : фот. - Продолжение. Начало: № 3, 4 2016.

К Богу приблизил // Удмуртский университет. - 2015. - 29 сент. - С. 12.

Как живешь, товарищ художник? : [к 70-летию удмуртского живописца] / М. Г. Атаманов-Эграпи // Ежегодник финно-угорских исследований = Yearbook of Finno-Ugric Studies. - Ижевск, 2016. - Т. 10, вып. 3. - С. 178-179.

Культ рыбы в религиозно-мифологических воззрениях удмуртов и его следы в этнонимике / М. Г. Атаманов // Вестник Удмуртского университета. Серия История и филология. - 2012. - Вып. 1. - С. 149-154.

Кыллэн бурдъёсыз паськытэсь : Михаил Атаманов улонзэ сӥзиз калыклы : [беседа с доктором филологических наук, членом писателей России, референтом Ижевской и Удмуртской Епархии, переводчиком Библии на удмуртский язык в связи с объявлением в Граховском районе 2015 года годом Михаила Атаманова] / Михаил Атаманов ; записала Лия Малых // Удмурт дунне. - 2015. - 27 февр. - С. 19.

Кылтэм калык ӧвӧл : [история и соврем. состояние удмурт. яз.] / Ммихаил Атаманов-Эграпи // Удмурт дунне. - 2008. - 14 нояб. - С. 5.

Люкиськон : [о святейшем Патриархе Московском и Всея Руси Алексии II, с благословения которого авт. перевел Библию на удмурт. яз.] / Михаил Атаманов // Удмурт дунне. - 2008. - 26 дек. - С. 12.

Лесные братья дядя Илия и дядя Леонтий. Из дневника старого человека / Михаил Атаманов // Православные вести. Ижица. - 2016. - Июнь (№ 6). - С. 6.

Мне больно... / Михаил Атаманов-Эграпи // Италмас. - 2012. - № 1. - С. 135-137.

Мое жизненное кредо / протодиакон Михаил Атаманов // Инвожо. - 2014. - № 9. - С. 114-120.

Мон - удмурт! Малы мыным вӧсь? / Михаил Атаманов // Удмурт дунне. - 2013. - 15 янв. - С. 6. - (Герд).

Нимыз кысӥз пыраклы? / Михаил Атаманов // Удмурт дунне. - 2011. - 1 июня. - С. 6

Ортчемзэ тодон - азьлань вамыштон : [беседа с авт. кн. "Происхождение удмурт. народа" о кн., о предстоящей конф. на эту тему и пр.] / М. Г. Атаманов ; записала Е. Миннигараева // Удмурт дунне. - 2010. - 19 нояб. - С. 4.

Оскон, оскиськон, яратон : [в Казанско-Богородицкой церкви прошли первые службы на удмурт. яз.] / Михаил Атаманов // Удмурт дунне. - 2007. - 31 авг. - С. 12.

Пастырь добрый: отец Дмитрий Поздеев / Михаил Атаманов // Православные вести. Ижица. - 2016. - Июнь (№ 6). - С. 6.

Пеньки. Мне больно : [об изм. в нашей жизни, о загрязнении природы на примере р-на Буммаша г. Ижевска, называемого в простонародье Пеньки] / Михаил Атаманов-Эграпи // Италмас. - 2008. - N 2. - С. 19-21.

Презентация удмуртской Библии в Алнашах // Алнашский колхозник. - 2013. - 15 нояб. - С. 1.

Проблемы и победы : (Выступление на презентации Библии в Ижевске) / протодиакон Михаил Атаманов // Инвожо. - 2014. - № 9.

Савва песятай – удмурт калыклэн сӥё-дано мадёсчиез / М. Г. Атаманов // Роль просветителей финно-угорских и тюркских народов в становлении и развитии литературы, образования и культуры Урало-Поволжья : сборник статей. - Ижевск, 2011. - С. 88-94.

Сибирьысь пичи Шарканын : [об удмуртах, проживающих в Краснояр. крае и Том. обл.] / Михаил Атаманов // Удмурт дунне. - 2006. - 30 июня. - С. 12.

Протодиакон Михаил Атаманов : референт Ижевской и Удмуртской епархии : [интервью] / Михаил Атаманов // Троицу единосущную песнословим. - Ижевск, 2014. - С. 80-87.

Роль православной церкви в формировании удмуртской печати / М. Г. Атаманов // Журналистика Удмуртии: история и современность : материалы Регион. межвуз. науч.-практ. конф., посвящ. 100-летию удмурт. нац. период. печати, 15 февр. 2006 г. - Ижевск, 2006. - С. 11-15.

Со мон понна - быдӟым : [об отношении к род. яз.] / Михаил Атаманов // Дась лу!. - 1974. - 2 февр.

Удмурт кылын чирдон : [о службах на удмурт. яз. в церквях Удмуртии и Кукмор. р-на Татарстана] / Михаил Атаманов // Удмурт дунне. - 2005. - 24 мая. - С. 6.

Удмурт черк : [о попытках создания удмурт. церкви в Удмуртии, о службах на удмурт. яз.] / Атаманов-Эграпи Микаль // Кенеш. - 2007. - N 4. - С. 58-67.

Улмопу выжыысь улмопу ӝужа / Михаил Атаманов // Удмурт дунне. - 2014. - 14 окт.

Фёдор Солнцев... Кин сое тодэ - кидэс ӝутэ! / М. Г. Атаманов-Эграпи // Инвожо. - 2017. - № 3. - С. 24-27.

Язык поэзии Никифора Корнилова / М. Г. Атаманов // Формирование и развитие литературных языков народов Поволжья : материалы V Междунар. симп. по яз. нар. Поволжья. - Ижевск : Удмурт. ун-т, 2004. - С. 25-33.

Творчествоез но улэмез сярысь ужъёс[править]

Атаманов, М. Г. Писатель луон сюрес / Михаил Атаманов-Эграпи // Кизили. - 2014. - № 7. - С. 8-9

Арекеева, С. Т. Особенности репрезентации природного мира в эпосе М. Атаманова "Тангыра" / С. Т. Арекеева // Ежегодник финно-угорских исследований. - Ижевск, 2015. - Вып. 4.- С.88-96. Байбекова, Зинаида Борисовна. Котьку ас калыкеныз артэ / З. Б. Байбекова // Удмуртлыкез азинтӥсьёс : (удмурт тодосчиос сярысь очеркъёс) / З. Б. Байбекова. - Ижкар, 2012. - С. 236-241.

Булычева, Е. А. Ученый, проповедник, писатель = Тодосчи, тодытӥсь, кылбурась = Scientist, ecclesiastical, writer : библиографический справочник. - Ижевск : Ижевская республиканская типография, 2012. - 271 с.

Лузин, А. Почётные граждане республики / Александр Лузин // Известия Удмуртской Республики. - 2016. - 10 нояб. - С. 1.

Сираки, Ж. М. Г. Атамановлэн ужъёсыз кунгож сьӧрысь университетъёслэн книгакуаосазы / Ж. Сираки // Ежегодник финно-угорских исследований = Yearbook of Finno-Ugric Studies. - Ижевск, 2015. - Вып. 4. - С. 101-112.

Пчеловодова, И. В. Удмуртские традиционные музыкальные инструменты в эпосе М. Г. Атаманова "Тангыра" / И. В. Пчеловодова // Ежегодник финно-угорских исследований. - Ижевск, 2015. - Вып. 4.- С.44-52.

Пель сьӧрын шуккиське... тангыра : [беседа с этнографом, лингвистом, писателем о работе над эпосом "Тангыра"] / М. Г. Атаманов ; записал Р. Хайдар // Удмурт дунне. - 2008. - 22 июля. - С. 6.

Презентация полного перевода Библии на удмуртский язык // Православные вести. Ижица. - 2013. - Нояб. (№ 11). - С. 5.

Поэтика очерков М. Г. Атаманова / А. В. Камитова // Этногенез удмуртского народа. Этнос. Язык. Культура. Религия. - Ижевск, 2011. - С. 278-286.

Лопатина, Н. С. Михаил Атаманов: ученый, публицист, миссионер / Надежда Лопатина // Известия Удмуртской Республики : спецвыпуск. - 2015. - 3 нояб. - С. 7.

Меньшиков, И. В.Слово о юбиляре - Михаиле Гавриловиче Атаманове / И. В. Меньшиков // Ежегодник финно-угорских исследований = Yearbook of Finno-Ugric Studies. - Ижевск, 2015. - Вып. 4. - С. 202-203.

Тангыра куара мар вера?. : [беседа с авт. эпоса "Тангыра"] / М. Г. Атаманов ; записал И. Байметов // Вордскем кыл. - 2008. - N 8. - С. 36.

Федорова, Л. П. Женская тема в эпосе Михаила Атаманова "Тангыра" / Л. П. Федорова // Ежегодник финно-угорских исследований. - Ижевск, 2015. - Вып. 4.- С.83-87.

Шибанов, В. Л. Стих и ритм в эпической поэме М. Г. Атаманова "Тангыра" / В. Л. Шибанов // Ежегодник финно-угорских исследований. - Ижевск, 2015. - Вып. 4.- С.77-82.

Шкляев, Александр Григорьевич. Возвращение к "островам порядка в океане неопределенностей" / А. Г. Шкляев //

Ежегодник финно-угорских исследований = Yearbook of Finno-Ugric Studies. - Ижевск, 2015. - Вып. 4. - С. 97-100.

Татчы 2005-тӥ арысен потэм статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.

Уже кутэм литература[править]

  1. Зверева Т. Михаил Атаманов (1945) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006.
  2. Шкляев А. «Инмар нуэ ӟоскыт сюрестӥ, но со сюрес – шонер сюрес» // Вапумысь вапуме / А. Шкляев. – Ижевск, 2000. – С. 120–125.
  3. 3,0 3,1 3,2 3,3 3,4 Тараканов И. М. Г. Атаманов-Эграпилы – 65 // Вордскем кыл. – 2010. – № 9. – С. 42–43.
  4. Христолюбова Л. Атаманов Михаил Гаврилович // Учёные-удмурты / Л. Христолюбова. – 1997. – С. 259–260.
  5. 5,0 5,1 5,2 5,3 5,4 5,5 5,6 Зверева Т. Мон – удмурт. Карлуд шур дурын малпаськон // Вордскем кыл. – 2007. – № 9. С. 42–45.
  6. Зуева-Измайлова А. Дунне гурезь // Кенеш. – 2011. – №10. – С. 87–92.
  7. Поздеев П. Вужмисьтэм Вуж Эгра // Кенеш. – 2006. – № 10. – С. 99–104.
  8. Ванюшев В. Тангыра ӧте, кырӟа, бӧрдэ… // Кенеш. – 2009. – № 10. – С. 90–98.
  9. Яшина Р. Валче уломе, кема уломе! // Кенеш. – 2009. – № 10. – С. 99–102.
  10. Атаманов Михаил Гаврилович // Удмуртская Республика : энцикл. – Изд. 2-е, испр. и доп. – Ижевск, 2008. – С. 190.