Ельцов Алексей

Материал из Воршуда
Перейти к навигацииПерейти к поиску

Алексей Алексеевич Ельцов (псевдонимез Тумпи) – удмурт журналист но кылбурчи, Россиысь писательёслэн но журналистъёслэн огазеяськонзылэн ёзчиез, Удмурт Элькунысь сиё-дано журналист, Россия Федерациысь дышетон удысысь сиё-дано ужась.

Ельцов Алексей

Улон сюресэз[править]

А. А. Ельцов вордӥськиз Яр (азьло Пудем) ёросысь Дӧжигуртын (ӟуч кылын Тум) 1955-тӥ арын 13-тӥ шуркынмонэ. [1]

Алексей гожъяськыны вазь кутскиз. [2] Баяран школаын дышетскыкуз «Сельская правда» ёрос газетын ужась кылбурчи Г. Архипов вуылӥз. Кунолэн кылъёсыз Алёшалэн йырвизьмаз мур пыӵазы, гожъяськыны мылкыдзэ ӝутӥзы. Ӵапак та вакытэ школаязы КВН ортчиз. Алёшалэн классэз но отчы пыриськиз. Командазэс «Сианом» (та ним «синоним», «антоним», «омоним» кылъёсысь нырысетӥ слогзэ басьтыса пӧрмемын) нимазы. А. Ельцовлэн та ужрад сярысь ёрос газетэ гожтӥз. Со вал вуоно писательлэн нырысетӥ заметкаез. Командазылэсь нимзэ янгышаса «Сианом» интые «Слалом» кариллям ке но, пияшлэн бурдъяськем мылкыдыз ӧз сӧриськы. Та вакытэгес ик сое мукетыз ивор шумпоттӥз на: удмурт пиналъёс понна Ижевскын «Дась лу!» газет потыны кутскем. Ӝоген Алёша Ельцов ачиз но отчы гожъяны ӧдъяз. [2]

"Пыӵалэн нюлэскы потасько ке но, кинэ ке кутон понна озьы уг ветлӥськы. Инкуазез шӧдыны, соин юн кусып возьыны кулэ. Со ик юрттэ мылкыдэз ӧръяны, бурдъяны."

Баяран школаысь тямыс классэз йылпумъяса Алексей, гуртысьтызы тросэз эшъёсыз сямен ик, Глазовысь совхоз-техникуме дышетскыны пыриз. [2] «Малпасько вал пичиысен ик нюлэсчи яке охотовед луыны. Но валэктӥсь ӧвӧлэн со удысэ сюрес ӧй шедьты» [3] Татын ӟеч радъямын вал общественной уж, спорт. Волейболэн но со шудӥз, футболэн но шахматэз но, капчи атлетикаез но, кырӟан-эктонэз но мултэс ӧз кары. Со сяна туж трос книгаос лыдӟылӥз.

1975 арын техникумез быдтыса Ижкаре «Удмуртсельпроект» институтэ ужаны келязы. [4] Татын куинь толэзь чертежъёс лэсьтэмез бере, армие мынон дырыз вуиз. Алексей Сахалинэ шедиз. [3] Со взводлэн командирезлэн воштӥсез, нырысетӥ классъем телеграфист вал. Будӥз старшинаозь, солэсь погонъёссэ нуллыса ӧз ке но вуы. Ротаын комсомол секретарь вал, дивизиысь но армиысь газетъёсы служба сярысь гожъяз.[1] Кылбуръёс но гожъяз. Сахалин шормуӵын со аръёсы литературалы сӥзем нуналъёс ортчизы, лыктэмъёс пӧлын вал тодмо писательёс Р. Казакова, Ю. Шесталов. Таджик эшеныз ӵош та пумиськонэ ветлӥзы. [3]

1977 арысен Алексей Ельцов «Советской Удмуртия» газетын корреспондент луыса ужаны кутске.[4]

1989 арысен «Вестник Гостелерадиолэн» редакторез вал.[4]

Нош 1996 арсен «Кизили» журналлэн валтӥсь редакторезлэн воштӥсез луэ.[4]

Гожъямъёсыз сярысь[править]

А. Ельцов пӧртэм жанръёсын гожъяське: очеркъёс, вакчи веросъёс, повестьёс, юморескаос, басняос, кылбуръёс но поэмаос. Озьы ик со «Удмурт чорыг нимъёс» статьялэн авторез луэ.[4]

Произведениосаз валтӥсь инты басьто анайзэ но ӵыжы-выжыоссэ яратон, пичи но бадӟым шаерзэ гажан, инкуазез ас сяменыз учкон, туала удмурт гурт [1]:

Тон кӧня пол ӵук шундыен сайкад.

Солэсь шуныт тылсиоссэ

Пырыосын, нюжаосын бичад.

Сюрмем киосыныд ваньзэ

нылпиедлы кузьмад.

Инмез пилем вотсалляку,

Тон кӧня пол ӧд изьылы уйдэ.

Кылбурчи удмурт нылпи литературае но пумен йыгмыт пыре. Куд-ог ужъёсыз учебникъёсы, пособиосы но пыремын. Алексей Алексеевич кылшудонъёс, мадиськонъёс, но серемес кылбуръёс кылдытон бордын тросгес ужа.[2]

Пиналъёслы «Кӧжыпог» нимо нырысетӥ бичетэз 1995 арын потӥз [4].

Алексей Ельцовлэн нырысетӥ бичетэз, книгапоттонние сётэм маке, малы ке но ышиз. Николай Васильевлэн но Владимир Романовлэн рецензиоссы кияз кылизы, нош кылбуръёссы – ӧвӧл. Соин ик нырысетӥ бичетэз потӥз 1989-тӥ арын куинь авторъёслэн «Егит дыр» книгаенызы.[3]

А. Ельцовлэн кылбуръёсыз трос пол печатласькизы коми, чуваш, мари кылъёсын [1]. Вань бигер кылэ берыктэм кылбуръёсыз но. Ачиз Россиысь ог куамын авторъёслэсь кылбуръёссэ берыктӥз.

А. Ельцовлэн кылбуръёсызъя ог куатьтон кырӟан гожтэмын. Соосты гожтӥзы Е. Копысова, Л. Душников, В. Котков, В. Байков, С. Соснов, А. Санникова, С. Кириллов, «Эмезё но, палэзё но» кырӟан «Играй, гармонь» передачаын чузъяськиз. [1]

Наградаосыз но премиосыз[править]

"СМИротворец" ӵошатсконын "Кизили" журналлы валтӥсь кузьым сётыкузы. Москва, 2009

«Урт» книгаез понна Владимир Романов нимо литература преми, 2000. [1]

«Кенгугу уг си гуры» книгаезлы Кастрен нимо финн-угор обществолэн премиез, 2005. [1]

Озьы ик со трос пол "Кенеш" журналлэн, Удмурт Элькунысь журналистъёслэн огазеяськонзылэн
ӵошатсконъёсаз лауреат луылӥз. [4]

СССР-ысь журналистъёслэн огазеяськонзылэн Данъян грамотаеныз пусйизы



Библиография[править]

Книгаосыз[править]

Кенгуру уг си гуры : нылпиослы кылбуръёс, мадиськонъёс, поэма-выжыкыл. – Ижевск : Удмуртия, 2002. – 46 с. : ил.

Кӧжыпог : нылпиослы кылбуръёс. – Ижевск : Удмуртия, 1995. – 19 с. : ил.

Кубиста йыр : нылпиослы веросъёс, выжыкылъёс. – Ижевск : Удмуртия, 2008. – 31 с. : цв. ил.

От росы до росы : стихи, баллады, поэма. – Ижевск : Удмуртия, 2005. – 95 с.

Урт : кылбуръёс, балладаос, поэма-малпаськон, кырӟанлы гожтэм чуръёс. – Ижевск : Удмуртия, 1998. – 110 с.

Вдоль чепецких излук : стихи, баллады. – Ижевск : Анигма, 2010. – 202 с.

Статьяосыз[править]

Амало лудкеч : инкуазь сярысь веросъёс // Кенеш. – 2011. – № 1. – С. 52-61. – Пуштросэз: Сяла, ӟичы, кырпарсь но... ; Пал син юш ; Тодмотэм тодмо ; Пуны ; Кышкасьтэм юрмег ; Кин - кинэ! ; "Вукузё" ; Ваче син ; Кескич комак ; Шырчик умортоын - коньы ; Чорыг сиись... бакаос ; Амало лудкеч

Анайлы // Кенеш. - 2010. - № 9.- С. 38-39.

Бер сӥзьылэз данъясь уӵы / Алексей Ельцов // Кенеш. - 2009. - № 1. - С. 77.

Вайлы быдэ - вить ӵыжин ; Пырыос // Кизили. - 2009. - № 4. - С. 14.

Ваче син ; Ышизы ; Кескич комак : инкуазь суредъёс // Удмурт дунне. - 2008. - 16 янв. - С. 8.

Вера : поэма-раздумье / пер. с удмурт. В. Емельянова // Луч. – 2006. – N 1/2. – С. 5-7.

Вижъюр : кывбур / комиӧдiс Александр Некрасов ; серпасалiс Владимир Моторин // Би кинь. - 2009. - № 1.- С. 5.

Возь вылэ крезьгур ӧте : кылбур // Ӟечбур! – 2003. – 29 мая.

Выль ар ортчиз..." ; Ӟазег сюрестӥ ; Мурт эн кары ; Песянайлэн бӧрдэмез ; Ой, сюлмы, сюлэмы ; Ошак ; Малы ыштӥ ; "Тани нош ик..." // Инвожо = Альманах удмуртского ПЕН-клуба. - 2009. - № 5/6. - С. 128-129.

Дуннеез мон котыртӥ : кылбурен верос / худож. Г. Иванова // Кенеш. – 2013. – № 5-6. – С. 80-85.

Дышетӥсь // Кизили. - 2009. - № 5/6.- С. 6.

"-Ӟеч-а, бур-а, ӟечоке?!." ; Кин улэ кыз улын? ; Кузьым ; Семи : кылбуръёс / иллюстрациосыз Василий Мустаевлэн // Кизили. – 2005. – N 10. – С. 3.

Их, кире кайтыр микəн? / Гөлфия Исхакова тəрҗ. // Янарыш. - 2010. - 28 окт. (№ 44). - С. 15.

Йырин-чукин, мыддорин... : кылбуръёс / иллюстрациез Галина Ивановалэн // Кизили. – 2011. – № 10. – С. 10.

Йыртӥян : кылбурен мадиськонъёс / Дасяз Алексей Тумпи ; иллюстрациез Ирина Лопатиналэн // Кизили. – 2007. – N 5/6. – С. 13 : рис.

Kapustkera : (sarn) // Kipinӓ. - 2010. - № 6. - С. 16-17 : ил.

Кема изись атас : выжыкыл / иллюстрациосыз Галина Ивановалэн // Кизили. - 2013. - № 10. - С. 8-9.

Куинь юшпиос : выжыкыл / иллюстрациез Вася Мустаевлэн // Кизили. – 2008. – № 2. – С. 8.

Куное : кылбур / Алексей Ельцов // Кизили. – 2006. – N 7. – С. 4.

Кык чурен кылбуръёс / иллюстрациез Марина Гузаевалэн // Кизили. - 2013. - № 8. - С. 11.

Кылын шудонъёс // Вордскем кыл. - 2010. - № 3.- С. 16.

Кын палэзь но пыжем картошка : верос // Вордскем кыл = Родное слово. - 2013. - № 3.

Лобаса ми будӥськом // Кизили. - 2010. - № 4. - С. 3 : цв. ил.

Лыдъя, лыдъя, гыдые // Вордскем кыл. - 2010. - № 5/6.- Вкл. л.

Мадиськонъёс / иллюстрациоссы Марина Гузаевалэн, Галина Ивановалэн, Василий Мустаевлэн // Кизили. - 2013. - № 2. - С. 3-7.

Макар но Тол бабай : кылбур / Алексей Ельцов ; иллюстрациосыз Василий Мустаевлэн // Кизили. – 2007. – N 1. – С. 8-9.

"Мон - Инмарлэн..." ; Шуд ; "Вазь ӵукна..." ; "Выль пинь..." ; "Тани сайказ ни пӧсь шунды..." ; Куазь воштӥськон... // Инвожо = Альманах удмуртского ПЕН-клуба. - 2008. - № 5/6. - С. 149.

Мыдланес мадиськонъёс / Алексей Ельцов ; иллюстрациез Галина Ивановалэн // Кизили. – 2011. – № 7. – С. 11 : цв. ил.

Ньыль чурен ; Кут но каб ; Зорыямы ; Выль пинь // Кизили. - 2009. - № 3. - С. 12-13 : рис.

Посланники великого Талисмана : повесть / Алексей Ельцов // Луч. – 2009. – № 9/10. – С. 12-24.

Пӧсь чай - вормисьлы // Кизили. - 2010. - № 10.- С. 4-5.

Раздумья ; Головокружение ; Детство // Италмас. - 2008. - № 2. - С. 90-91.

7 коньывуонэ Миша Федотовез тодэ вайыса // Инвожо. - 2008. - № 7/8.- С. 82-84.

Сиысал мон чырс колӟо // Удмурт дунне. - 2010. - 22 июня.- С. 7.

Сугон шашылы : сценка / Алексей Ельцов ; иллюстрациез Галина Ивановалэн // Кизили. – 2012. – № 7. – С. 6 : рис.

Сурсвуэн бӧрдӥсь тулыс : мадиськонъёс // Вордскем кыл. - 2008. - № 3. - Вкл. л. - ("Вордскем кыллэн" книжкаез).

Сюлэм ялан возьма тонэ : кылбуръёс / Алексей Ельцов // Кенеш. – 2012. – № 4. – С. 24-29 : фот. – Пуштросэз: Уретэм гожтэт ; Мусо шаере ; Пересь ожгарчи ; "Сӥзьылэн ӟазегъёс лобӟыло..." ; Тулыс гудыри ; Шуд ; Тулыс ; Адӟыса огпол гинэ ;Сюлэм ялан возьма тонэ ; "Вазь ӵукна..." ; Куазь воштӥськон ; "Та улонын..." ; Куарусён ; "Пеймытысь югытэ..." ; "Толон вал пӧсь..." ; "Мон ас нимме..." ; Мар малпад вал? ; Соснов Сергейлы дан. - Вакчияк гожтэмын авторез сярысь

Сяськаяськись Быги // Кизили. - 2010. - № 11/12.- С. 4-5.

Тулкымъёс : верос / Алексей Ельцов ; художник Г. Л. Елкина // Вордскем кыл. – 2005. – Вкл. л. – ("Вордскем кыллэн" книжкаез)

Уретэм гожтэт ; Пересь ожчи ; Пыжымтэ сукыриос // Удмурт дунне. - 2010. - 12 янв. - С. 6.

Чадыведь // Чилисема. - Саранск, 2009. - № 3.- С. 10.

Ческыт чечы ; Пичи арганчи ; Кин-о йыгаське? ; Кӧжыпог сиём ; "Крокодил" ; Коӵо ; Шырчик ; Лымыпог ; Шыр : кылбуръёс / Алексей Ельцов // Инвожо = Альманах удмуртского ПЕН-клуба. – 2011. – № 5/6. – С. 56-57.

Чорыган // Удмурт дунне. - 2008. - 14 окт. - С. 8. - (Инкуазь но адями).

Шарадаос // Кизили. - 2009. - № 10. - С. 13.

Шур дурын ; Тудву ; Мед бӧрдоз... ; Паймемын ; Мики но кит ; Пилем но шунды ; Кин улэ кыз улын? ; Семи : кылбуръёс / Алексей Ельцов // Инвожо. – 2007. – N 5/6. – С. 113 : фот.

Шырчик умортоын - коньы ; Чорыг сиись... бака // Удмурт дунне. - 2008. - 16 сент. - С. 8. - (Инкуазь но адями).

"Я, берты ни, Миши..." : Михаил Федотовлы сӥзьыса // Инвожо. - 2008. - № 7/8. - С. 84.

Берыктэмъёсыз[править]

Волков А. Л. Ливъёс сярысь мадь // Кенеш. - 2009. - № 1. - С. 76-78.

Голдобин А. "Школае мынэ Коля..." ; "Сиськемез пилэн уг пот..." // Кизили. - 2008. - № 4. - С. 9.

Иванцов Г. С. Кыӵе выжы дуриз-куиз? // Кенеш. - 2008. - № 7. - С. 61-64.

Из вӧлӥсь но эксей : чуваш калык выжыкыл // Кизили. - 2008. - № 9. - С. 10-11 : рис.

Московкина М. Концертын ; Изьы, изь ини, Тани // Кизили. - 2010. - № 1. - С. 5 : ил.

Нуны веттан кырӟан // Кизили. - 2009. - № 8. - С. 13.

Попов А. В. Вӧт : верос // Инвожо = Альманах удмуртского ПЕН-клуба. – 2010. – № 5/6. – С. 196-197.

Попов, Алексей Вячеславович. Кызьы табере уломы на? : верос / Алексей Попов ; берыктӥз Алексей Ельцов // Инвожо = Альманах удмуртского ПЕН-клуба. – 2010. – № 5/6. – С. 198-200.

Попов А. В. Сюэтӥ самолёт : верос // Кизили. - 2008. - № 11/12. - С. 4-5.

Созонов В. Т. Ма ӝужда зор? ; "Пичи гинэ Серёжиклэн..." // Кизили. - 2008. - № 7. - С. 10.

Тойдемар но Юсь-ныл : пор калык выжыкыл / иллюстрациосыз И. Лопатиналэн // Кизили. - 2008. - № 9. - С. 8 : рис.

Кырӟанъёсыз[править]

Васильева О. Пегӟы, тол : "Нуназе шорын лымы..." // Ӟечбур! - 2006. - 2 нояб. - С. 13.

Ганьков Г. Армие кошкисько : "Арганэ шудэ, йыры ӵышкемын..." / крезьгурез Г. Ганьковлэн ; кылъёсыз А. Ельцовлэн // Инвожо. – 2013. – № 6. – С. 49.

Ганьков Г. Мӧзмон : "Тани нош быдэс толэзь..." // Кенеш. - 2008. - № 5/6. - С. 21.

Журавлев М. Куарусён : "Ужаса жадем сюрло кадь..." // Удмурт дунне. - 2006. - 13 сент. - С. 7.

Копысова Е. Лымы, лымы // Ашальчи. - 2007. - № 6. - С. 13.

Ойдо, эше, гуртамы : кылбур-кырӟан / А. Ельцов ; крезьгурез М. Журавлевлэн // Кенеш. – 2005. – N 9. – С. 19-20.

Санникова А. Куарусён : "Ужаса жадем сюрло кадь..." // Удмурт дунне. - 2006. - 15 нояб. - С. 8.

Санникова А. Мон одно ик берто : "Гитара шудэ..." // Удмурт дунне. - 2006. - 15 нояб. - С. 8.

Трубачев Н. А. Уйвӧт : "Быдэс уйзэ тонэн толон поръяй..." / крезьгурез Н. Трубачевлэн ; кылъёсыз А. Ельцовлэн // Инвожо. - 2013. - № 7. - С. 56.


Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.

Уже кутэм литература[править]

  1. 1,0 1,1 1,2 1,3 1,4 1,5 1,6 Гаврилова-Решитько М. В. Сюрес ӧте азьлане // Ӟечбур! - 2005. - 10 нояб. - С. 8.
  2. 2,0 2,1 2,2 2,3 Бадретдинов У. Ш. Тумпи, кылбур дунне но "13" лыдпус // Кенеш. - 2005. - № 10. - С. 89-92.
  3. 3,0 3,1 3,2 3,3 Ельцов А. Бурдъясе мынам - инкуазь / записал Вл. Михайлов // Удмурт дунне. - 2002. - 28 июня.
  4. 4,0 4,1 4,2 4,3 4,4 4,5 4,6 Уваров А. Н. Алексей Ельцов // Писатели и литературоведы Удмуртии : биобиблиогр. справ. - Ижевск, 2006. - С. 43.