Загадки

Пудо-животъёс но тылобурдоос

Йырыз — бычкы, быжыз — сюрло. (Атас)

Сюры вылын буртчин шорт. (Атас)

Час ке но овол, уйшорез но сактэмез уйлы быдэ возьматэ. (Атас)

Азбар шорын ӵуж бугоръес питрало. (Чипы)

Мыноз, мыноз но — нянь кадь ӝужъёз. (Немыч)

Дэремен пылаське но — дэремез уг котмы. (Ӟазег)

Кык ӵуж юбо сылэ, юбо вылын гыр, гыр вылын сюры, сюры вылын кык ӵуж пуньы, пуньы вылын кык сутэр. (Ӟазег)

Пыдыз — пӧлые, мугорыз — сюлыс, йырыз — кобы. (Ӟазег)

Сьӧд валлэн быжыз ваё. (Ваёбыж)

Сьӧд вал зарезь сьӧры лоба. (Ваёбыж)

Вить пи вордӥ, вить пи вордӥ, асме утьыны ӧз яра. (Ваёбыж)

Кин ас корказэ ас ымыныз лэсьтэ? (Ваёбыж)

Бусы вылын кузь биньгозы. (Лудӟазегъёс)

Инмын кык ваё саник. (Лудӟазегъёс)

Синмыз тэркы быдӟа ке но, шундыез уг адӟы. (Кучыран)

Пурысь бугор чаччаын ветлэ. (Сяла)

Пинь! пинь! каре но — пиньыз ӧвӧл. (Пислэг)

Кыз йылын гырлы жингыртэ. (Кайсы)

Сьӧд апай пу кора. (Сизь)

Кыз йылын сьӧд сэрегпум. (Кырныж)

Лымылэсь но тӧдьы, сулэсь но сьӧд, султэ ке — коркалэсь но ӝужыт, пуксе ке, турынлэсь но лапег. (Коӵо)

Корка йылын кобы ныд. (Коӵо)

Кинлэн куалаезлэсь пуннетэз кузь? (Коӵо но быжыз)

Кеносэзлэсь кузьгес азьыз. (Коӵо быж)

Гур выл сэргын кык кизили. (Коӵыш)

Кырыж-мерыж кыре потэ. {Коӵыш гижы)

Герыез ке но ӧвӧл — гыре, уг ке но вись — ӝуштэ. (Парсь)

Чик вурыстэм куӵо пась. (Скал, куӵо скал) Пась — татын: шуба.

Кышъям кышетлэн дурыз овол. (Скал, куӵо скал)

Кык ваё саник йылын лымы уз луы. (Скал сюр)

Вольыт бадяр йылэ лымы уг пуксьы. (Скал сюр)

Бадӟым эксэйлэн кенер вылаз лымы уз тукта. (Скал сюр)

Кык гурлэн одӥг ӵужонэз. (Скал кыл)

Одӥг писэн кык гурез эсто. (Скал кыл)

Ньыль братъёс одӥг ведрае учко. (Скал вера)

Одӥг тыын ньыль гинэ шашыез. (Скал вера)

Ньыль братьёс ӝытазе но ӵукна ялан ыбылӥсько. (Скал кыскем)

Одӥг ведрае ньыль шуръёс бызё. (Скал кыскем)

Ньыль братъёслэн тушсы беразы. (Вал пыд-кукъёс)

Ньыль кионъёс изэн лэзясько. (Дурем вал пыдъёс)

Ньыль кузя тэтчало, сюрс кузя чабкыло. (Вал быж но вал пыдъёс)

Ньылез чабе, сюрсэз эктэ. (Вал быж но вал пыдъёс)

Ньылез бызе, сюрсэз улля. (Вал быж но вал пыдъёс)

Пӧйшуръёс. Нымы-кибыос

Валлэсь кужмо, адямилэсь курда. (Гондыр)

Курень улошо вылэ пуксьыны уд дӥсьты. (Гондыр)

Вылаз пуксёнтэм валэ вань. (Гондыр)

Гужем дукесэн, толалтэ — шортдэремен. (Лудкеч)

Луд вылын тӧдьы бугор тӥгылля. (Лудкеч)

Бусыетӥ ӵуж бугор питыра. Кин со? (Ӟичы)

Пичи Петька вень вуза. (Ӵушъял)

Ветлыкуз — парсь, бордаз йӧтскид ке — бугор. (Ӵушъял)

Бурдыз но вань — уг лоба, пыдыз ӧвӧл ке но — ветлэ. (Чорыг)

Бурдыз но вань — уг лобы, синмыз вань — уг кыниськы, ымыз вань — уг вераськы. (Чорыг)

Мунчое сьӧд пыре, мунчоысь горд потэ. (Раката)

Синъёссэ быльӟектыса пуке, пранцуз сямен вераське, пыӵ сямен тэтча, адями сямен уя. (Бака)

Кутонтэм урыс, кутонтэм таба. (Кый, итым)

Табаез вӧяны, урысэз кутыны уг яра. (Итым, кый)

Аслым дэрем уг вуриськы, дэра ялан куисько. (Чонари)

Сьӧд ке но — кырныж ӧвӧл, сюро ке но — ош ӧвӧл, куать пыдыз, чилясь бурдыз. (Бӧчы)

Портонэз ке но ӧвӧл — сюез портэ. (Бӧчы)

Пичи гинэ лобась маке музъемез гыре. (Бӧчы)!

Дунне дыр

Толэзяз ньыль пуза, пузысьтыз сизьым потэ. (Ар, толэзь, нунал)

Кыӵе нуналъёслэн нимзы ӧвӧл? (Толон, туннэ, ӵуказе)

Сузэрез куное лыктэ, братэз пегӟе. (Уй, нунал)

Сьӧд скал ваньзэс леказ, тӧдьы скал ваньзэс сайкатӥз. (Уй, нунал)

Тӧдьы вал пазьге, сьӧд вал люка. (Уй, нунал)

Ма котькытчы но пыре? (Югыт)

Тӧдьы писэй укноетӥ пыре. (Югыт)

Синмыз ке мальдэ — учкемысь дугдэ. (Уй-нунал)

Тылобурдо шонаське, бурдыныз шобырске, югыт нуналэз тылыен ватэ. (Уй)

Одӥг мумылэн пиез ньыль: огез вож, огез горд, огез ӵуж, огез юг-юг тодьы. (Арлэн дыръёсыз)

Пыр-пыр тӧдьы тылобурдо арлы быдэ асьме пала толйыны лыктэ. (Тол)

Корка котырын порпи ыбылӥське. (Кезьыт)

Корка чумолё кадь пыре но — олокытчы быре. (Корка кезьыт пыре)

Сӥзьыл музъем гужалоз. (Лымы)

Урам тырос тӧдьы мамык, корка пыртыны уг луы. (Лымы)

Пичи гинэ пилемысь пызь усёз. (Лымы)

Кезьытлы чида, шунытлы — уг. (Лымы)

Пересь абилэн валесэз пуштоз но — мамыкез куашкалоз. (Лымы)

Мамык валес пуйытэм. (Лымы)

Тӧдьы бубыли лобалоз, лобалоз но музэ усёз. (Лымы)

Тӧдьы ын вань дуннеез шобыртоз. (Лымы)

Улэ — кылле, кулэ ке — бызе. (Лымы)

Тӧдьы басма улын сьӧд басма. (Лымы улысь музъем)

Тӧдьы шобрет вылын чилясь весь. (Лымы пырыос чиляло)

Чили-вали дамдарали. (Лымы пырыос чиляло)

Быжо Ондрей пызь мерта. (Лымы мыӵон лопатка)

Юбо йылын вӧё кӧмеч. (Лымы юбо йылын)

Лоба-лоба но — пуксе, пуке-пуке но — кырӟаса кошке. (Лымы но ву)

Шур вылын гын валемын. (Кынмем шур, шурысь йӧ)

Тор гын — тор ӟус вылэ валем гын.

Куэз золтэмын, ошез улэп. (Ошез улэп, куэз золэп.) (Кынмем шур, шурысь йӧ)

Лултэм лулэз золтэ. (Кынмем шур, шурысь йӧ)

Дӧдьыез мынэ, сяканэз кылле. (Кынмем шур, шурысь йӧ)

Куэз золтэмын, вирыз ветлэ. (Кынмем шур, шурысь йӧ)

Ошез кошке, куэз золтӥськыса кыле. (Кынмем шур, шурысь йӧ)

Юн ке но та выж, жыны ар сяна уг чида. (Кынмем шур, шурысь йӧ)

Тылын уг жуа, вуын уг выйы. (Кынмем шур, шурысь йӧ)

Базар сандык тыр вылтык. (Йӧ бырдам)

Али вурем шубалэн шорыз пась. (Йӧ, люкмес)

Пурысь улошолэн котурдэсыз пась. (Йӧ, люкмес)

Ин из изоз, тыл потоз. (Чилекъям)

Ин вал ворттылэ, пыд улысьтыз тыл поттэ. (Гудыри но чилекъям)

Вал гырдалтоз — музъемез зуркатоз. (Гудыри)

Гурезь сьӧрын лыз ужпи гырдалля. (Гудыри)

Илья агай кӧэн шудэ. (Гудыри)

Кам тупалан вал гырдалтэ. (Гудыри)

Бусыез сьӧд улошо котыртэ. (Пилем)

Чагыр инметӥ лобе тылобурдо, паськыт бурдо, быдэс инэз ӵокса. (Пилем)

Кузь кук мынӥз, мынӥз но музъеме ышиз. (Зор)

Гондыр бурсэ, гонзэ кисьтэ. (Зор)

Монэ возьмало, лыктӥсько ке — ватско. (Зор)

Гурезь йылын зарни буко. (Вуюись)

Корка сигын вож буко. (Вуюись)

Чильтыр-чильтыр воштӥськоз но — ингур улэ пыроз. (Вуюись)

Ӵужо-вожо сюрес часта гинэ синзэ усья. (Вуюись)

Куар вылын азвесь бирды. (Лысву)

Выль кен вулы васькем, усьтонэз усьыса кылем, ӝыт уз шедьты, ӵукна шедьтоз. (Пужмер)

Суйтэм-пыдтэм инме тубе. (Бус)

Ог-огзы шоры учкыса, кӧтсы уг тыры. (Инбам но музъем)

Ин табаез берыктыны уг луы. (Музъем)

Юоз, юоз — сюэз уз юзма. (Музъем)

Возь пумын кымам пурты. (Муӵ)

Бусы пасьтана кар куямын. (Муӵ)

Кытчы пагӟаез уд пукты? (Инме)

Корка сигын тусь. (Шунды)

Горд скал султэ, вань изисез сайкатэ. (Шунды)

Быдэс дуннелы горд юбо. (Шунды)

Ачиз лултэм, киыз ӧвӧл — суреданы быгатэ. (Кезьыт)

Ачиз уг адӟы ке но — чепылляське. (Кезьыт)

Суйтэм-пыдтэм выж лэсьтэм. (Кезьыт)

Корка пурысь скал пыре. (Корка кезьыт пыре).