Тексты лирических песен
Ми озьы но ветлӥськом но
Ми озьы но ветлӥськом но,
Ми тазьы но ветлӥськом.
Туганъёсмес ке адӟиськом,
Ӵыжтэм вӧй кадь шунаськом.
Малы пыри улмо садэ?
Ӵыжыт улмо сиыны.
Малы потӥ шудон пӧлы?
Тон, туганме, адӟыны.
Толон адӟи мон тонэ но,
Туннэ адӟи мон тонэ,
Шулдыр шудон пӧлысен но
Мусо адӟи мон тонэ!
Сопал ярысь ай льӧмпу сад
Та пал ярын луысал ке,
Толон адӟем чебер нылы
Туннэ татын луысал ке![1]
Лымы тӧдьы
Лымы тӧдьы, лымы тӧдьы,
Лымылэсь но тӧдьы кышетэ.
Мертчан ӵужо, мертчан ӵужо,
Мертчанлэсь но ӵужо йырсие.
Дыдык чагыр, дыдык чагыр,
Дыдыклэсь но чагыр синъёсы.
Яблок гордо, яблок гордо,
Яблоклэсь но гордо бамъёсы.
Ожо вожо, ожо вожо,
Ожолэсь но вожо дэреме.
Вуюись ворло, вуюйсь ворпо,
Вуюисьлэсь ворпо айшетэ.
Коӵо куӵо, коӵо куӵо,
Коӵолэсь но куӵо чулкае.
Шулдыр колхоз луд вылъёсад
Трактор гуретыса ветлэ.
Со трактор но, ой, вылъёсад
Яратоно туганэ гыре.
Одӥг гинэ яратонэ
Тодэ меда, ой, но сюлэмме?
Корка но ӝутӥ, ой, камышен
Корка но ӝутӥ, ой, камышен,
Липетсэ липи, ой но, шашыен. 2 пол
Куно но ӧти, сектало шуыса,
Кылыным алдаса, ой но, мон лэзи. 2 пол
Туган но кутӥ, басьто шуыса,
Кылыным вӧяса, ой но, мон лэзи. 2 пол
Кышно но ваи, куинь арлы шуыса,
Ар но ӧз улы, ой но, со кошкиз. 2 пол
Тӧдьы но тэркы, ой, сьӧд дуро
Кельше со сутэр, ой но, бичаны. 2 пол
Тӧдьы но тэркы лемлет дуро,
Кельше со эмезь, ой но, бичаны. 2 пол
Тӧдьы но картуз, ой, сьӧд дуро,
Кельше со егит, ой но, пиослы. 2 пол
Тӧдьы но кышет лемлет дуро,
Кельше со егит, ой но, нылъёслы.
Милям гинэ коркамы
Милям гинэ коркамы,
Казарма дорын,
Кыдёкын но шуыса,
Пырытэк эн кошке.
Сьӧд нюлэслэн шоръёсаз
Кезьыт ошмесэд,
Кезьыт гинэ шуыса,
Ютэк эн кошке.
Чебересь но нылъёслы
Тӥ эн синмаське,
Чебересь нӧ нылъёсыз
Шудтэм, шуо.
Чебересь но пиослы
Тӥ эн синмаське,
Чебересь но пиослэн
Туганзы тырос.
Ӵужо-вожо басмалы
Тӥ эн синмаське,
Ӵужо-вожо басмаез
Шунды басьтэ [2].
Марлы тӥяй?
Марлы тӥяй, марлы тӥяй
Сьӧд льӧмпулэсь сяськазэ.
Али ке но ӧӥ тӥясал,
Сьӧд льӧмзэ ке тодысал.
Марлы турнай, марлы турнай
Возь вылысь но турынэз.
Али ке но ӧй турнасал,
Италмассэ ке тодысал.
Марлы сии, марлы сии
Убо вылысь вож сугонэз.
Али ке но ӧй сиысал,
Курытсэ ке тодысал.
Марлы кутӥ, марлы кутӥ
Та яратон туганэз.
Али ке но ӧй кутысал,
Куштонзэ ке тодысал.[3]
